Cristos tres annos preigadu a trese

e tres dies duresi s'agonia

tres giaos hana postu a su messia

unu pe manu e s'ateru in sos pese

Feminas pias piantu l'an trese

Maddalena, Veronica e Maria

tres lu sepellini e tres l'han tentadu

a sas tres dies est resuscitadu

Su mundu hat sette prodigios mazzores

e sette sunu sas bolgias infernales

s'alcubalenu hat sette colores

e sette sunu sos viscios capitales

Nostra Signora hat sette dolores

Sebustianu hat sette pugnales

Da s' Ispiridu Santu sette ammentos

e sette puru sun sos sacramentos