Una storia vera di povertá ed emigrazione nel XX secolo.

Un padre, non avendo disponibilità economiche, aveva chiesto un prestito per consentire al figlio di emigrare in Argentina. Il figlio ne aveva promesso la restituzione con i primi guadagni. E' probabile che la fortuna, da un punto di vista economico, non gli fosse stata amica e quindi alla domanda del compaesano che tornava a Padria:ite li mandasa a Babbu tou?aveva risposto:e ite li poto mandare, duos papagallos. Questa a fianco è una parte della risposta, amara, del padre.

- SOS PAPPAGALLOS -

Pro ricumpensa 'e sos pappagallos,

ti mando custa triste poesia,

si m'agato a cand'enis a Padria

non t'appo attoppare a piatta 'e ballos,

non t'at a fagher sas manos a gallos

astringhideti forte 'e s'allegria,

pro parte mia ch'enzas o no ch'enzas

est che chi mai 'e babbu nde tenzas.

Custas rimas ti prego 'e cunservare

che breve in dossu tou ti las pone,

custu ammentu pro s'enzione

fatta pro non andare a soldadare,

.............................................

de babbu tou a nde fagher s'ischeltzu,

mancari chi rispuntet a infeltzu

tenet ancora sa professione,

e si podet che poberu campare

sentza su pappagallu a lu giogare.

Mi meravigliat d'essere cori duru

chi non ti movet sa cumpassione,

tantu de domo sa posizione

comente 'e deo l'ischis tue puru,

si t'appo fattu lamentu, 'e seguru

e s'arrivo a ti fagher sos lamentos

est chi m'agatto in graves patimentos.

Unu bonu iscrivanu appo chircadu

pro t'iscrivere in sardu ogni faeddu,

a riguardu 'e su fattu 'e Oneddu

su battoro 'e frearzu mi at tzittadu,

nende basta a su tempus chi m'at dadu

adeallu chi faghinde si est nieddu,

m'at nadu giaramente: 'Accolla s'ora

non pagas, da Lalvedu essiche fora'!

M'at nadu: 'Chessis fora da-e Lalvedu

po neghe tua est de Oneddu!

Non toccaiat a tie a lu pagare

cando pro te mi l'aia prestadu,

e babbu tou si non l'at pagadu

est c'ada atteros fizzos de campare,

invece cussu restu 'e nde mandaree

de babbu tou ti nde sese beffadu,

su pappagallu cherinde offrire

pro andare a girare e a pedire.

Ca su primu genitu 'e Noè

de su babbu s'est cherfidu ischertzare,

si nd'est devidu riere e burlare

da-ghi l'at bidu nudu e fora 'e se,

Sem e Jafett cun su mantu 'e Ree

sa persona l'at devidu ammuntare,

e a palas insegus sun andados

....................

Dagh'est Noè torradu a sinu sanu

at a Sem e Jafett beneitu,

e s'stirpe de Cam at malaitu

ca est istadu perfidu inumanu,

Cam est giudicadu unu tiranu,,

pro ite at commissu un'oltragiu delittu

e tottu sos chi su babbu an'oltraggiadu

si su rendidós a pessimu istadu.

Finis fizu si gai l'as connottu

de babbu tou a tinde buffonare,

Deus ti diat vida a t'ammentare

finzoas a esser sabiu e addottu,

naro Deus ti pottat perdonaree

.............................

e cun Pinatu custa tich'imbìo

peró est s'ultima olta chi t'iscrìo.